Mga protektor sa illegal nga sugal?
Kun wa'a ko masayop, bag-ohay lang gipahibawo ni Konsehal Jun Pe ang gikatahong pagkasanta na sa operasyon sa illegal nga sugal dinhi sa dakbayan. Matud ni Pe sa mga napatik nga report sa pamantalaan nga ila nang nakontrolar ang problema sa video karera ug moli-moli nga gikabuangan sa mga estudyante lakip na sa mga hamtong sugarol.
Apan karong bag-o akong nadawat ang e-mail gikan sa usa ka nagpakabana nga molupyo diha sa Barangay Sawang Calero may labot sa giingong paghitak sa maong illegal nga sugal diha sa barangay.
Gani ang e-mail gikan sa usa ka nagpaila nga si Alrich Rasma namasangil nga ang hinungdan sa paghitak sa operasyon sa video karera ug moli-moli diha sa Sawang Calero mao ang giingong pagproteher niini sa pipila ka mga opisyal sa barangay ug kapolisan.
Sigun sa e-mail ang video karera ug moli-moli anaa gyud gani mahimutang sa compound nga gipuy-an sa duha ka polis diin ang operator niini giingon nga ig-agaw o pag-umangkon mismo sa usa ka polis.
Pasaylo-a nga akong tagoon una ang pangalan sa maong polis hangtud nga akong madunggan ang iyang habig. Hinaut makasabot si Mr. Aldrich Rasma tungod kay labihan ka seryoso sa iyang pamasangil.
Di sab makiangayon alang sa maong mga polis kun atong largo nga ibulgar ang ilang pangalan tungod kay sayon kaayo ang pagdaut sa kadungganan sa usa ka tawo apan lisud ang paglimpiyo niini.
Ako lang ning giklaro tungod kay nakadawat man gud ko og laing e-mail gikan ni Mr. Alrich Rasma nga namasangil nga ''atras abante'' ang mga sakop sa media dinhi sa Sugbu sa kampanya batok sa mga abusado ug badlongon nga mga opisyal sa gobiyerno.
Ang tinuod wa ko mag-atras abante nangita lang ko og tukmang higayon. Hinaut nakasabot si Mr. Rasma nga di lang ang imong reklamo ang akong nadawat.
Apan alang sa imong katagbawan ania akong ipatik ang imong e-mail. Pasensiya nga akong tuyoon sa pagkuha ang mga pangalan nga imong gihisgutan, apan akong ipasalig nga sa higayon nga makahatag ka og lig-ong nga ebidensiya nga sila protector sa illegal nga kalihukan di ko magpanagana pagbulgar niini dinhi sa akong lindog.
Alledged mentioned VK & MOLI-MOLI seemingly was protected by mentioned law enforcer & bgy officials as well in Bgy Sawang Calero; said gambling instruments be located at the residence compound of SPO1 J---- M---- itself and said operator named "----" was also a nephew or a cousin if I'm not mistaken on said pnp; the operation of said gambling instrument were a long time ago had been operated and we, parents wondering why it was continuously go on in spite of the fact there were 2 PNP members living nearby said place of gambling operation & besides PNP station were also near thereat; said PNP members are SPO1 H--- O--- & M----, we are sad the recent media issue of Hon.Councilor Pe in Banat boastfully stating they're controlling the said gambling operation while the fact this Bgy Sawang Calero among its officials were a solid supporter of BOPK ug makita nimo nga mao hinooy nagpabadlong sa katilingban...salamat kun imong mapatik aron masumpo kining operasyon sa matang sa sugal nga gikaboangan sa mga bata...note: kini si (operator) may 45 cal. nga hinagiban''.
Hinaut nga hatagan ni og pagtagad sa kadagkuan sa kapolisan dinhi sa dakbayan kay labihan ka seryoso sa maong pasangil.
Kamo sab nga mga opisyal sa Sawang Calero ipakita nga nasayop ang mga nagduda nga lakip kami protector sa operasyon sa illegal nga sugal pinaagi sa pagdakop sa mga nalambigit niini.
* * *
- Latest
- Trending
