"Good AM, Sir. Wala man gyud dakopa ning tong-it diri sa Santa Cruz, Guizo, Mandaue City. Ang balay nga nagpasugal og tong-it tag upat gyod ka lamesa, kada adlaw gyud ni." -- 0910-2709896 (Sent: 07:46:39am--September 23, 2008)
Labing maayong susihon ni sa mga brgy. opisyal sa Guizo aron masuta kun tinuod ba kini o dili. Kun tinuod man, dili maayong i-tolerate kini, labinag wala kiniy permit (posibleng wala gyod).
Ang tong-it usa ka kalapasan sa balaod partikular sa Presidential Decree No. 1602. Illegal ang tong-it!
Busa, aksiyoni!
* * *
Dihay gipusil-patay didto sa Ubay, Bohol niadtong September 23, 2008. Nakaikyas ang nagpusil. (Inigkabasa ninyo niini posibleng nadakpan na ang mamumuno).
Nasagmuyo ang katawhan, labina ang pamilya sa biktima, sa maong hitabo. Usa sa gibasol sa katawhan nganong wala dayon madakpi ang suspek, o nganong nakahuygo siya pagbuhat og krimen, mao nga walay polis nga nagbantay sa outpost sa merkado.
Ang biktima diha pusila sa sulod nga bahin sa merkado, pipila lang ka metros gikan sa polis outpost. Angayan gyong papostehan og polis kanang dapita 24 oras kun mahimo, labina nga nagkadako na ang lungsod sa Ubay karon.
Usa ka polis nga gihinabi sa Hot FM-Ubay miingon nga may polis nga mag-duty sa police outpost sa may merkado. Apan usahay kuno magrobing ang maong polis maong dili kini makita sulod sa outpost.
Supakon ko ang maong pamahayag sa polis. Kun tinuod pang magrobing ang polis nga gidestino sa outpost, naa untay nakakita niya nga nagrobing ang polis nga gidestino sa outpost, naa untay nakakita niya nga nagrobing. Nahisagmuyo man gani ang katawhan kay gawas nga walay polis nga nagbantay sa outpost, wala say nagrobing.
Angayan tingaling palamboon sa kapolisan sa Ubay ang sistema sa ilang pagpangalagad sa katawhan nga ilang gisaaran nga serbisyohan ug proteksiyonan.
* * *
(Sumbong ug reklamo? Text sa 0910-8105522).