EDITORYAL - Mayor Mike vs. mga kurakot

Medyo masakit-sakit ang mga pulong nga gibuhian ni Acting City Mayor Mike Rama batok sa mga korap nga empleyado sa City Hall kinsa iyang giawhag sa pag-resign sa ilang mga katungdanan.

Si Rama miluwat niining warning ngadto sa mga kurap nga empleyado:

“Nakadungog ko nga dili ma-issue ang permit gikan sa inyong mga opisina kun walay ikabayad nga padangog...Maayo pa og manglayas mo dinhi sa City Hall.”

Gihangop sa publiko ang warning nga giluwatan sa acting mayor, ilabi na niadtong mga nabiktima sa maong mga kurap nga empleyado. Apan sa samang higayon nanghinaut sila nga tinud-on ni Sir Mike ang iyang tinguha nga manglayas ang mga kurakot diha sa kagamhanan sa siyudad.