Sige'g panguwarta

“Sir, naa koy nabantayan sa mga police nga naa na-assign sa Mactan. Nagsige lang sila og panguwarta sa mga driver. Ilabina kana si... Mangolekta sa mga driver.” -- 0909-6386611 (Sent: 08:28:37pm--October 21, 2008)

Gipatik ko kining maong text, dili tungod kay mituo ko sa alegasyon sa texter, kundili tungod kay gusto kong pinaagi ning pinobre kong lindog makaabot ngadto sa kasayoran sa kadagkoan sa kapolisan sa Lapulapu City ang mga sentimento sa publiko labot sa pipila nila ka polis.

Tulibagbag man god kaayong pamation kun tinuod man ugaling kining alegasyon sa atong texter. Busa angay gayod kining i-counter check sa immediate superior sa maong mga polis kay dili maayong pasagdan lang kini.

Kay kun pananglit tinuod ang pasangil sa atong texter, matawag og pangutong ang gihimo sa maong mga polis. Pastilan!

Anyway, awhagon sab nako ang atong texter sa pagpadangat og sumbong direktamente ngadto sa PNP Anti-Kutong Text Hotline nga 0927-5151515.

* * *

“Sir, nibalik na pod ang video karera sa Ponce 2, barangay Carreta. Ang tagdumala mao si Susan. Lakas man kuno sila og kapit sa barangay.” -- 0922-7644734 (Sent: 09:32:48pm-- October 21, 2008)

Atong sangpiton ang atensiyon sa brgy. Kapitan, mga konsehal ug tanod sa barangay Carreta sa pagsusi ning gisumbong sa atong texter. Susiha ninyo ang kalihokan ning usa ka Susan nga matud pa sa atong texter, nagdumala og video karera operations.

Aksiyoni!

* * *

 “Puyde ba mi makareklamo sa among amo nga wala mi tagai sa minimum nga suweldo? Kining maong kompaniya nagbaligya og LPG.” -- 0929-8612557 (Sent: 09:33:14am-- October 22, 2008)

Absolutely puyde! Adto ipadangat ang inyong reklamo sa DOLE. May tulobagon ang inyong employer kalabot sa underpayment of wages.

(Sumbong ug reklamo? Text sa 0910-8105522).