EDITORYAL - Seguridad sa school hugtan

Higpitan ang seguridad sa mga tulonghaan pangpubliko. Mao kini ang awhag nga gipadayag di pa lang dugay ni Provincial Board Member Juan Bolo, tsirman sa komitiba sa edukasyon sa Hunta Probinsiyal.

Uyon ug midason kami sa maong awhag ug hinaut unta nga hatagan kini’g seryosong pagtagad sa mga opisyal nga hingtungdan.

Ning panahona, dili ikalalis nga nagkadaghan ang mga badlongong batan-ong lalaki kinsa ang uban kanila nanagtungha sa public schools.

Naay mga tinun-ang adik sa ginadiling drugas, naay mga nagtakin-takin og armas de fuego, naay mga sakop sa mga noturyos nga fraternity, etc.

Angay’ng panid-an kini ug pitolon kun mailhan aron matunhay ang kahusay ug kalinaw sud sa kampus.