Drug lord

"Good day. Naay mga drug lord sa brgy. Ermita. Sige man lang gihapon silag pamaligya og shabu. Bisan nagtago-tago na sila pero naay laing mga tawo nga ilang padalhon sa shabu. Nadato na gyod ang naninda og shabu." -- 0920-2011426 (Sent: 05:34:30 pm--July 10, 2008)

Angay ning i-counter check sa kapolisan aron pagsuta kun tinuod ba kini o dili. Mas maayo sab nga manginlabot niini ang mga opisyal sa barangay ug palihokon nila ang ilang mga tanod.

Susiha kini ninyo, Sir! Aksiyon!

* * *

Ang naggamit sa cellphone number 0916-9679803 mi-text nako (Sent:08:39:12 pm--July 10, 2008) ug mitaho nga naa kunoy sekyu (security guard) diha dapit sa CIE main sa Mabolo nga gihulagway niya nga "kusog mangotong".

Sumala sa pasangil sa texter, ang sekyu nga nagdala sa bansagon nga Concepcion masuko kun hatagan lang og P5.00 kay gusto gyod niini nga P20.00 ang ihatag sa mga driver sa taxi -- kada larga -- nga makapasakay og pasahero diha sa maong dapit.

Binuang ning gibuhat sa maong sekyu. Mas maayo tingaling mopadangat og reklamo batok kaniya ang mga taxi driver nga nahasol nianang iyang tinonto.

* * *

Kinsa kining usa ka Jovanie diha sa lungsod sa Cordova nga gipasanginlang usa ka drug pusher diha sa maong dapit?

Sumala sa naggamit sa cellphone number 0929-6477077 (Sent: 08:52:04 pm--July 10, 2008) kining ginganlan og Jovanie maoy tigpayuhot og ginadiling drugas sa Babag, duol sa eskuylahan.

"Wala gyod siya madakpi sa mga police" nagkanayon ang atong texter.

Aksiyoni na kini ninyo, Sir! Morag identified na kaayo kini si Jovanie diha sa Cordova. Morag dili na kamo maglisod sa pag-ila niining tawhana.

* * *

 (Sumbong ug reklamo? Text sa 0910-8105522).