Babala sa mga kukuha ng trabahador sa bahay

MAG-INGAT sa pagkuha ng trabahador sa inyong mga tahanan mga suki! Kahit na mismong kamag-anak pa ninyo kung minsan ay huwag ninyong payagang galu­ garin ang inyong tahanan upang maiwasan ang kapa­hamakan. Nagbunsod ang babalang ito ng aking mapag-alaman na ang karumal-dumal na pagpatay sa mag-inang Milagros at Yuichi Garduque ay gawa ng kamag-anak pa mismo niya.

Noong nakaraang Huwebes, nagulantang ang Pa-ra­ñaque City sa natuklasang karumal-dumal na pag­patay sa mag-ina sa loob ng kanilang tahanan sa #7 Road-9 D, United Parañaque 5 Subdivision.

Natagpuan si Milagros sa loob ng bodega sa bandang ilalim ng hagdanan ng kanilang tahanan na puro pasa     sanhi ng pagpalo nito ng matigas na bagay sa ulo bago pinatay sa pamamagitan ng pagbigti ng pulang tela.

Ang anak nitong si Yuichi, 8, ay nakitang nakataob sa kanilang kuwarto na nakatali ang mga kamay ng alam­bre at may nakapulupot na kordon ng electric fan sa leeg.

Bakas sa mga ito ang sobrang pahirap ng mga salarin bago sila patayin. Wala ring nakakitang tao na lumabas sa naturang tahanan ng hapong iyon. Natuklasan lamang ang krimen nang may dumating na dalawang Police Las Piñas na kaibigan ng boyfriend ni Milagros.

Sa tulong ng kapulisan ng presinto-4 at mga barangay kagawad ay nabuksan ang tahanan ng mag-ina at doon natuklasan na mga patay na ang mag ito. Kaagad na nag­-sa­gawa ng imbestigasyon ang mga tauhan ni Supt. Alfredo Valdez at dito nila natuklasan na magulo ang mga kabinet ng mag-ina kaya nabuo ang hinala na pagna­na­kaw ang motibo.

Minalas na mamata­an si Benedicto Gordo, kamag-anak ng mga biktima na aali-aligid sa naturang lugar kaya kaagad siyang inim-    bi­tahan sa presinto.   Pa­iba-iba ang naging statement nito sa mga imbestigador pero uma­min din ito at itinuro pa ang tatlo niyang kasa­mahan. Agad na naa­resto sina Jovanee Es­cosa at Reynaldo Ban­tilan sa pinagtataguan nito sa Lico St., Sta Cruz, Manila ngunit bigong mahuli si Eddie Mon­tero na kamag-anak din ni Gordo.

Nabawi naman ang mga alahas kabilang ang isang relong Rolex na kung susumahin ay aabot sa P1 milyon ang halaga. Nakuha rin sa mga ito ang natitirang P21,000.00 perang pi­naghati-hatian. At nang iharap kay Mayor Flo­rencio “Jun” Bernabe   ang mga ito ay uma­ming halinhinan nilang ginahasa si Milagros bago patayin.

Abot-langit ang pag­sisisi ng mga ito dahil alam nila na mabubulok na sila sa kulungan. Ngunit huli na ang pag­sisisi. Ang dapat sa mga ito ay bitayin upang hindi na pamarisan.

Maituturing nang solve ang kaso baga­mat hinahanting pa ng mga pulis si Montero. Sana ay maging leks­yon sa lahat ang pang­yayaring ito para mag-ingat sa pagkuha ng mga trabahador na kukum­puni sa inyong mga ta­hanan.

Lagi ninyong isaisip mga suki na kulang na kulang ang ating ka­pu­ lisan upang manga­nga­laga sa inyong bu­hay. Kaya bawat isa    sa atin ay matutong mag-ingat.

Congratulation Supt. Valdez at sa masisi- pag mong tauhan, he-he-he!