Kampanya kontra kurakot, dinala ng PAGC sa rehiyon

CONGRATS sa Presidential Anti-Graft Commission. Dina­la ng ahensyang ito ang kampanya kontra kurakot sa lahat ng rehiyon ng buong bansa at umaakit ng mga supporter mula sa iba’t-ibang local government units (LGUs).

Sa ngayon ito’y nailunsad na sa siyam na rehiyon na sumasakop sa 81 LGUs sa loob ng nakalipas na walong buwan. Magpapatuloy ito hanggang sa mapalaganap sa buong kapuluan ang kampanya, ayon kay Secretary Constancia de Guzman, pinuno ng PAGC.

“Ang kampanya ay nakapagbigay sa PAGC ng pagka­kataong magsagawa ng mga orientation seminar at    workshop, at magbigay ng technical assistance sa mga local na opisyal tungkol sa iba’t-ibang aspeto ng IDAP (Integrity Development Action Plan), ang mga benepisyo nito at kung paano ito maipapatupad,” ani De Guzman.

Bilang pangunahing programa ng pamahalaan, ang IDAP ay kinapapalooban ng 22 paraan ng pagsugpo sa pangungurakot sa ilalim ng apat na larangan: Prebensyon, edukasyon, imbestigasyon at parusa, at pakikipagtu­lungan sa lahat ng sektor.

“At dahil nga sa masamang epekto ng kurapsyon sa ekonomiya at kultura, pinalawak ng PAGC ang kampanya nito upang mapalaganap ito, di lamang sa mga regional offices ng mga pambansang sangay ng pamahalaan, kundi maging sa mga LGU na bumubuo sa ating mga rehi­yon,” paliwanag ni De Guzman.

Dahil sa pagpapatupad ng IDAP mula pa noong 2004, nag-ibayo ang kakayahan ng mga ahensyang lumalaban sa kurapsyon, nagkaroon ng pagtutulungan ang iba’t-ibang sektor sa pag-usig sa mga nangungu­ rakot, humigpit ang regu­lasyon sa paglalahad ng mga opisyal ng kanilang mga pag-aari, umigting ang pagbawi sa mga ilegal na yaman ng mga grafters at ang pagsa­sam­­pa ng kaso sa mga opis­ yal na di makapag-liquidate ng kanilang mga cash advances, re­porma sa justice system tungkol sa kurapsyon, ang pag­pa­pa­laganap ng electronic   accounting system at inte­gri­ ty development review para mapanga­la­gaan ang integridad ng mga tran­saksyon ng pa­ma­halaan, at marami pang iba.

Ang lahat ng mga ito ay nakapagdulot ng ma­ laking pagbuti sa serbis-yo publiko.

Bukod dito, nireko­men­­da ng PAGC kay Pa­ngul­ong Arroyo ang pag­pa­patalsik sa may 71 na ma­tataas na opisyal dahil sa katiwalian. Ito ang pina­kamalaking bilang na naitala ng pamaha­la­an sa kasaysayan ng bansa.

Anim na opisyal la­mang ang napatalsik no­ong panahon ni Pangu­long Fidel V. Ramos, at wala ni isa noong pana­hon ni Joseph Estrada.

Ang 71 na pinatalsik sa panahon ni Pangulong Arroyo ay kabilang sa may 125 na opisyal na inirekomenda ng PAGC na maparusahan.

Kabilang din dito ang 25 para masuspinde, 21 para sa accessory pe-nalties, at walo para ma-   reprimand.