EDITORYAL - Usa ka wake up call

Ang pagsung sa mga armadong rebelde sa bilanggoan sa Lucena City diin ilang naluwas ang pito ka mga piniriso nga sakop sa ilang pundok, mahimong ilhon nga “wake up call” alang sa mga tigbantay sa atong mga prisohan.

Ang mga rebelde nagpatuo nga sila mga elemento sa PDEA ug PNP. Ang mga jailguard naabtikan ug ang mga rebelde milampos sa ilang tinguha sa pagluwas sa mga pinirisong kaubanan.

Kining nahitabo sa Lucena City angay’ng panaminan sa mga guwardiya sa atong mga bilanggoan. Kinahanglang dili mokompiyansa ug magmabinantayon sa tanang higayon.

Ang atong mga bilanggoan diin natanggong ang mga political prisoner kinahanglan nga hugtan ang pagbantay niini.