EDITORYAL - Dili katungod sa periodiko?

Ang mga nag-unang pamantalaan sa Amerika mipadayag na sa ilang gisuportahan nga mga kandidato alang sa pagka Presidente ning umaabot nga Nov. 4 election.

Mga 134 ka periodiko, lakip na niini ang New York Times, miklaro nga ilang gipaluyohan si Sen. Barack Obama, samtang 52 ka periodiko ang misuporta kang Sen. John McCain.

Tradisyon kini sa pameriodiko sa Estados Unidos. Apan bisan pa nga duna sila’y gipaluyohan, kining maong mga pamantalaan nagpadayon sa ilang pagka balanse sa ilang reporting.

Dili kana mahitabo dinhi sa ato. Nganlan og “one sided....biased...unfair” ang periodiko nga mobuhat sama sa gibuhat sa mga newspaper sa US.

Kuhaan sa mga partidista og katungod ang periodiko sa pagpili sa kandidatong gibiliban niini.