Adunay balaudnon nga gi-file si Cebu City North Rep. Raul V. del Mar, kinsa nagkupot sab sa titulo nga deputy speaker, diin ang community journalist maoy makabenepisyo kun kini mamahimo nang usa ka balaud.
Ang maong balaudnon ni Kongresista del Mar niprotehir sa community journalist batok sa harassment kalabot sa kasong libelo nga isang-at batok kaniya (journalist kon tigbalita).
Ubos sa balaudnon ni Del Mar, ang kasong libelo batok sa usa ka tigbalita kinahanglan adto kini isang-at sa korte sa dapit diin nahimutang ang opisina sa tigbalita ug sa pamantalaan (o ba kaha estasyon sa radyo) diin migawas ang giingong libelo.
Sa pagkakaron gud mahimong bisan asa i-file ang kaso sa tuyo nga harason kon lisud-lisuron ang gikiha.