Kalabot sa gibalitang pagmugna og Cebu Tourist Police nga atong gihisgutan sa miaging editoryal, adunay pipila ka mga magbabasa nga mipasupot sa ilang mga sugyot ug panahom bahin niini.
Mga sugyot nagkalainlain apan tulo niini maoy mipatigbabaw.
Sumala sa magbabasa, ang mosunod nga sugyot angay’ng hatagan og top priority consideration:
1. Ang mga polis nga rekruton alang sa Cebu Tourist Police kinahanglan dunay integridad.
2. Ang CTP kinahanglan langkuban og mga polis nga adunay dakong pagmahal sa Sugbu.
3. Ang mga sakop sa CTP kinahanglan dunay maayong personalidad inubanan og dalaygon nga taras.
Ang suma total niining tulo ka sugyot gituohan nga makahimo og CTP nga makatuman sa tahas nga gisalig ngadto sa mga sakop niini.