Ang laraw nga mugnaon ang Cebu Tourist Police angay’ng hangupon sa atong komunidad.
Gikinahanglan ang maong yunit sa kapolisan tungod kay nagkadaghan nang mga turista ang manganhi sa Sugbu.
Angay’ng hatagan og hingpit nga proteksiyon kining maong mga turista aron magpadayon ang paglambo sa turismo dinhi sa Sugbu nga sa pagkakaron maoy nag-unang destinasyon sa mga langyaw nga turista nga manganhi dinhi sa nasud.
Manghinaut kita nga ang mga polis nga mahisakop sa maong Cebu Tourist Police pinili gayud ug kasaligan nga motuman gayud sa ilang tahas sa pagprotehir sa mga turista.