EDITORYAL - Dugay na kanato ang melamine

Nagkagubot karon ang kalibutan, lakip na ang Pilipinas, gumikan niining nasakpan nga melamine sa gatas ug mga food products diin gatas ang usa sa mga ingrediyente.

Dinhi sa ato, ubay-ubay nang mga produkto ang nadiskubrehan nga dunay melamine. Gipahunong ang pagpamaligya niini.

Dugay na man diay ning nasagol sa gatas, pagkaon labi na kadtong mga milk-chocolate products, mga candy, ug uban pa.

Karon pa kini nadiskobrehan. Sa ato pa dugay-dugay nang panahon nga nagsige tang kaon niining maong kemikal nga makadaut sa atong panglawas.

Di ba kaha melamine ang hinungdan sa kamatayon sa pipila nato ka mga kaigsuonan apan gipasangil ra kini sa laing hinungdan?