EDITORYAL - Kun nanion palagputon

Kadtong batan-ong polis nga field training officer pa (FTP) nga gireklamong nanion diha sa may Junquera ipatangtang sa pagkapolis ni Police Regional Office-7 director Ronald Roderos.

Kini sumala sa balita. Ug ang maong balita gihangop sa mga mabuot nga lumolupyo ning dakbayan.

Kun tinuod gayud nga nanion ang maong bagitong polis, angay gayud nga taktakon kini sa pagkapolis samtang nagsugod pa sa pagpamolis ug dili pa taas ang sungay.

Hinuon susihon pag-ayo kun tinuod ba gayud nga nanion.

Daghan kaayong mga bag-ong polis (Police Officer One) kinsa anaa pa sa FTP status ang nagsugod na’g pangabuso ug angay lang nga pitolon kini samtang sayo pa.