Ang Cebu City Traffic Operations Management (CITOM) misugyot ngadto sa Konseho nga ang impounding fee sa motorsiklo pamenosan kay dako ra kaayo ang P1,500 matag motorsiklo.
Pipila ka mga sakop sa Konseho pabor sa maong sugyot.
Matud pa sa usa ka tigpaniid, ang towing company ray nabulahan niining P1,500 nga impounding fee kay adto kini tanan punta sa maong kompaniya. Momho ray madawat sa kagamhanan.
Samtang P1,500 ang makita sa towing company sa matag motorsiklo nga ilang dakpon, P100 ra nga multa ang makita sa siyudad. Kini sumala ni Konsehal Bebot Abellanosa.
Maayo tingali nga rebyuhon kining arrangement tali sa siyudad ug sa towing company.