EDITORYAL - Mga makililimos gipanakop

Singkuwenta ka mga makililimos ang gihipos sa Cebu City Anti-Mendicancy Task Force niadtong miaging buwan.

Nindot. Kay kining mga libud-suroy nga mga makililimos, suma pa sa usa ka tourism advocate, nakahatag og dili maayong talan-awon sa siyudad nga giilang labing progresibo sa tibuok kabisay-an.

Apan daghan usab ang nangutana kun asa man ipamutang kining nasikop na ug masikop pa nga mga makililimos. Ug hangtud kanus-a sila mapakaon sa kagamhanan sa siyudad.

“Mas maayo tingali,” matud pa sa usa ka tigpaniid, “imbes molimos ta direkta sa mga makililimos, ato nalang limsan ang ahensiya nga misagop kanila.”