EDITORYAL - Mindanao peace lisud makab-ot

Lisud nga mapatunhay ang kalinaw sa Mindanao tungod sa “kapalpakan” sa military sa pagneutralays sa mga rebeldeng Moros.

Usa ka Sugbuanon nga sakop sa usa ka para-military nga pundok sa Mindanao nagkanayon nga daghan nang mga sibilyang armado ang nagpundok-pundok aron sa pagpakig-away sa mga teroristang Moros.

Kini wala unta mahitabo, matud niya, kun kaya lang sa militar ang pagpitol sa mga abusadong Muslim rebel.

Tungod ining pagtumaw sa mga armadong sibilyan hayan mosamot pa ang kagubot sa Mindanao, kay dili kagawngan sa gobiyerno kining mga nangisog na nga sibilyan kinsa buot lang modepensa sa ilang kaugalingon ug katungod.