Panahon sa paghingpit Fr. Anil Rego

Usa ka iskultor ang mihimo og mga ginagmay’ng pag-ayom ayom sa iyang gihimo. Usa sa mga nakamatikod ang kuryosong nangutana: “Kanus-a man nimo ni mahuman?” Ang iskultor mitubag: “Hangtud nga mahalin na kining maong obra!”

Ingon ini usab ang kahingpitan. Padayon kitang pagahingpiton kay matud pa sa usa ka pilosopikanhong panultihon: “We are always in the process of BECOMING!” Ang matag gutlo mao ang higayon sa pagkahimugso sa atong kaugalingon isip tawo.