Usa ka mamaligyaay og libro ang miadto sa usa ka halayong dapit. Iyang nakita ang usa ka tiguwang naglingkod sa iyang silyang tuya-tuya. Iya kining giduol ug sa tumang kainit iyang giagni: “ Manong ania ko’y mga libro nga motabang kanimo sa napulo ka pilo diha sa imong pagpanguma!” Wala dayon motubag ang maong tiguwang. Nagpadayon kini sa iyang pagtuya-tuya. Sa katapusan mihunong siya ug miingon: “Anak, dugay na kong nasayod kun unsaon pag-uma ug wala na ako magkinahanglan pa sa imong libro.”
Pamalandong
Ang kasinatian usa ka epektibong magtutudlo. Apan wala usab kini magpasabot nga kinahanglang sirado na lang pud ang atong hunahuna sa mga bag-ong impormasyon.