Peace talks ba ang kasulbaran sa Mindanao?

Gihimo kini sa mga rebeldeng MILF kon Moro Islamic Liberation Front nga gipangulohan nila ni Kumander Bravo ug Kumander Kato.

Katuyoan nila mao nga ilaha nang sakopon ang daghang dapit sa Mindanao nga ubos na sa ilang kamanduan ug hurisdiksiyon.

Ang nahisgotang kagubot miresulta sa binakwitay sa liboan ka mga sibilyan biniyaan ang ilang mga kabtangan ug mga kahayopan.

Karon, nagpadayon ang paglutos ug mga panomba sa atong kasundalohan ngadto sa mga rebelde. Mangutana kita: Makapalambo ba sa atong ekonomiya kining sitwasyona?

Ang tubag niini mao nga dili gayud kay without peace, there can be no progress and development in our nation and force begets force the same way to violence begets more violence.

Peace talks karon ang lanog nga awhag sa atong mga kaigsoonan diin ang mga rebelde ug ang atong kagamhanan mosagop na sa panagsabot-sabot alang sa kalinaw ug kalamboan sa Mindanao.

Kinahanglan nga si Kumander Bravo ug mga kaubanan makigsabot-sabot ug makig-estoryahay na sa atong gobiyerno kay anugon kaayo ang mga kinabuhing makalas ug dugong mobanaw sa umaabot nga panahon lakip na sa kaugmaon sa atong mga kabataan didtong dapita.