Kining bag-ong kasugoan sa Philippine National Police (PNP) diin kadtong gustong mosud sa pagka polis ipaubos sa gitawag nga banns nakadawat og suporta gikan ni Cebu Archbishop Ricardo J. Cardinal Vidal.
Kining banns susama sa “tawag” nga gihimo sa Simbahan ngadto sa buot magminyo. Tawagon ang ilang ngan ug kadtong mga tawo nga gustong mobabag sa kasal mahimong mopadayag sa ilang katarungan nganong dili sila buot nga magpadayon ang matrimonyo.
Ingon ani ang police banns. Ang mga ngan sa recruits tawagon sa Simbahan atol sa Misa ug mga partido nga buot mokwestiyon sa recruitment mahimong mopadayag sa ilang rason.
Maayo kining polisiyaha ug maayong ipadayon dili kay dinhi ra sa Sugbu kun dili sa tibuok nasud.