Ang akong mga kalibog
Pasayloa lang ko ninyo nga katag gyod kaayo ning akong lindog kay bunga kini sa katag kong utok. Wa naman ugod ko makasabot ning mga panghitabo sa atong nasud ug palibot - naglibog na ko.
* * *
Gitawag ni Gobernadora Gwendolyn Garcia si Mayor Tomas Osmeña nga bayot unya gitawag upod sa Mayor ang Gobernadora nga Zorra. Wa ko maglibog nga gitawag sa mayor ang gobernadora og Zorra kay gikuyogan man ugod kini og Zorro sa dihang mipaso atol sa usa ka dakong kalihokan sa lalawigan. Ang akong nalibgan, nganong gitawag sa gobernadora nga bayot ang mayor, unsa may iyang basihanan? Hinoon sila rang duha ang nasayod ning mga butanga kay amiga man ni sila kaniadto.
* * *
Ang Moro Islamic Liberation Front nakigsabot-sabot og kalinaw sa atong gobiyerno pero nagsigi pod sila og pangataki sa mga tawo ug pagpanunog sa kabalayan niini didto sa
ang atong gobiyerno nga makigsabot-sabot og kalinaw.
* * *
Si retired General Hermogenes Esperon gitudlo ni pangulong Arroyo nga iyang tigtambag mahitungod sa kalinaw pero siya mismo wa makabaton og kalinaw.
* * *
Gipahibawo ni pangulong Arroyo nga tag .50 sentimos na lang ang text messaging pero nganong hangtod karon tag peso man gihapon ang kaltas sa akong load kun magtext ko.
* * *
Milambo na kuno ang ekonomiya sa nasud pero nganong daghan man gihapong nangapasmo.
* * *
Ang mga police sa Talisay nga gireklamo sa igsoon sa gichop-chop nga ladies pasidunggan hinoon sa hepe sa kapulisan sa lalawigan ug sa konseho sa dakbayan.
* * *
Bisan daghan na ang gitulis ug gipatay sa managlahing lugar sa lalawigan sa Sugbu, tagsa ra daw kuno kini nga mahitabo matud pang Col. Valmoria. Ambot lang! Basta ako naglibog ko. Kamo?
* * *
Ang principal sa Guadalupe Elementary School nanghimakak sa pasangil nga gipaninglan nila ang mga tinun-an og tagsa ka gatos ka pesos para ipalit og electric fan, wa pa ni labot para bayad sa mga guwardiya, wa kuno siya masayod niini kay gikan pa siya sa ospital. Mao ba! Pero asa man diay ka nag-principal Mam?
- Latest
- Trending
