Dili modawat og 5 pesos
Gikan sa cell. no. 0916-8870522: "Good AM. Naa na diay minimum para sa mga dispatcher sa dapit sa Mepza kay mangasuko man ug dili modawat kun hatagan ra og P5.00? Maayo untag hatagan nig pagtagad sa mga police sa Mepz. Samok kaayo ni sila. Nakahasol sila sa mga driver ug mga trabahante. Mopasakay kunohay silag trabahante dayong hikap sa lubot." -- (Sent:
Dakong binuang nang gihimo sa maong mga dispatser ug klarong illegal. Extortion kanang ilang gihimo ug angay silang dakpon.
Gawas nga illegal ang ilang gihimo, bastos pa gyod diay ang maong mga dispatser. Manantsing man diay. Again, kun dunay ilang mahikapan nga moreklamo, puyde sab silang pasakaan og kaso. Duna na ra bay estriktong balaod bahin sa sexual harassment.
* * *
"Good AM, Ask lang unta ko sa city government nga maghimo sila'g city ordinance nga smoking in a public place is not good. Then ipadaku-dako gyod ang multa para motagam ang madakpan." -- 0926-8504103 (Sent:
Husto ang imong sugyot, higalang texter. Ang pagpanigarilyo god makadaot sa lawas sa tawo, dili lang sa nanigarilyo mismo kundili lakip na kadtong makahanggap sa aso sa sigarilyo. Active and passive smokers ang madaot sa pagpanabako.
Kun wala ko masayop, ang ubang mga siyudad aduna nay no smoking ordinance apan wala lang kini ikapatuman sa hingpit. Gani, ang dakbayan sa Sugbu (kun wala ko masayop) aduna may no smoking ordinance nga mao ang City Ordinance 1895. Ambot kun wala pa ba kini mapapas karon.
* * *
"Diri sa amo sa B. Aranas Ext. sige lang nagbaha bisan walay ulan. Ang mga kanal labihang hugawa, ang kalsada daghang buslot, ang mga traysikad pataka lang parking, mga nag-inom naa daplin ra sa kalsada. Maayo untag aksiyonan ni sa mga barangay opisyal, taga LTO ug City Engineer's Office. Thank you. -- 0916-7104927 (Sent:
Manghinaot ta nga mahatagan og konsiderasyon sa proper authorities nga imong gipangsangpit ang inyong suliran diha sa B. Aranas Ext.
(Sumbong ug reklamo? Text sa 0910-8105522).
- Latest
- Trending
