EDITORYAL - Erap no. 2 sa survey
Suma sa labing ulahing resulta sa survey nga gihimo sa Pulse Asia, si kanhi Presidente Joseph “Erap” Estrada anaa sa no. 2 sa mga presidentiable nga “nagustohan” sa mga respondent sa maong survey.
Si Bise Presidente Noli de Castro maoy naa sa no. 1. Ang ubang mga presidentiable, sama nila ni Senate Pres. Manny Villar, Sen. Mar Roxas, Sen. Loren Legarda, ug uban pa anaa sa ubos sa listahan.
Kun basihan ang kakusog ni Erap sa Pulse Asia survey makaingon kita nga mapasayloon ang Pinoy o ba kaha malimtanon sa mga hinungdan nganong natagak si Erap sa iyang trono isip Pangulo.
Suma sa kampo ni Presidente Arroyo si Erap gidid-an na sa pagpapili sa Batakang Balaud. Apan ang mga sakop sa pundok ni Erap miinsister nga mahimo pang modagan pagka Pangulo ang ilang idolo.
Isyu kini nga lantugian pa. Apan samtang nagpadayon ang lantugi, si Erap mopadayon og pamupo og pogi points pinaagi sa mga survey-survey nga himuon matag karon ug unya.
- Latest
- Trending
