Motuo ka nga God is always watching over us?

Kining kahadlok sa tawo, fear, lisud likayan. Giingon dinhi nga fear is the most paralyzing of all emotions, and the most self-defeating. Sa ato pa, gumikan niining maong kahadlok usahay ra ba, unfounded, wa na tay mahimo. Mahimong babag sa paglampos kun unsa man ang mga gitinguha.

Sa mga bata pa tang way buot, daghan kaayo ang ihadlok kanato sa atong mga ginikanan ug mga ubang katigulangan. Hadlokon tas ungo. Hadlokon tas police, sa agta, abat, santilmo, unsa pa na diha, nga hangtud inig kadaku na nato, bisag unsa na lay atong kahadlokan.

Of course, matud dinhi, fear and worry are part of our lives and have to be accepted as such. Apan, di kinahanglan nga magpadaog kita sa kahadlok ug kaguol hangtud nga di na ta ka-move forward. Matud pa: Do not let worry and fear keep you from living. Do not waste any time projecting your worries into an elusive future.

Ug unsa man say imong kagul-an ug kahadlokan kun lig-on kaayo ang imong pagtoo ug pagsalig sa Ginoo? Lihok lang pod. Matud pa: Trust in God, but lock your car.

Sa ato pa, ayaw himoang watch-your-car-boy ang Ginoo.  Sa London, panahon sa miaging gubat sa kalibutan, gisugilon ang bahin sa usa ka housemaid nga sa nagpadayon nga bombing raid, natulog lang. Wa mahadlok. Matud dinhi, she could sleep between her mop and bucket. Sa pangutana kun giunsa niya pagkatog, iyang tubag: “The good Lord says he stays awake and watches over his own. There is no use for both of us staying awake.” Lisud no?

Medyo kataw-anan, apan, subra ang faith niining bayhana sa Ginoo. Ngano man tuod nga sila mang duha  sa Ginoo ang magtukaw nga kapoy ug katulgon man kaayo siya? Ug alang niya, di siya gusto nga mahiubos ang Ginoo kun mo-stay awake usab siya uban sa Ginoo nga tingalig ma-misunderstood nga wa siya'y salig sa Ginoo.

Busa, samtang dili kita makalikay sa kahadlok ug kahigwaos, ato ra kining mabuntog  ug ma-overcome kun atong paapilon ang Ginoo sa atong mga pakigbisog.

Unsaon nga mora mag ang kalibutan karon, wa magkinahanglan sa Ginoo. Gani, ang uban kanila, wa man motuog Ginoo. Mas motuo pa tingali sila nga dunay Satanas kay sa existence sa Ginoo.

Alang nako, kun dunay evil, duna say good. Ang-ang og pulos lang bad ang ni-exist ning kalibutan. Sa ato pa, kun motuo ka sa imong pagka-yawan-on, duna sa tingali kay pagka-Diosnon.