Ang “peace education” himuon na unya kini nga kabahin sa school curriculum sa elementary ug hayskol sa tibuok nasud.
Aprobado na kini sa Department of Education apan wala pa maklaro kun kanus-a gyud ang implementasyon niini.
Ang katuyoan niining maong desisyon sa kagamhanan mao ang pagdebelop og “culture of peace” sa nasud pinaagi sa pagsukip sa public school curriculum sa subject nga “peace education.”
Napirmahan na sa Pangulo ang Executive Order No. 570 nga mo-institutionalize sa peace education sa elementarya ug hayskol ug sa kurso sa mga magtutudlo.
Nagtuo ang kadagkuan sa sektor sa edukasyon nga kining “peace education” makatabang sa pagpatunhay sa kalinaw sa nasud.