Gikan sa naggamit sa cell. no. 0916-3567683: "Good day, Sir. Naay manindahay og bugas diha sa merkado sa Compostela nga ang isukli candy. Unya masuko kun dili dawaton ang candy nga ilang gisukli." -- (Sent: 08:46:03 am-- June 9, 2008)
* * *
Kahilas god nianang maong mga manindahay. Sila pay nag-abuso, sila pay masuko!
Sa Article 50 sa Consumers Act, ang paghatag sa candy isip sukli usa ka unlawful practice. Nga sa ato pa, illegal.
Mao kiniy hinungdan nga gi-discourage sa DTI ang shortchanging, lakip na ang paghatag og candy isip sukli.
* * *
"Good day, Sir. Kana bang mga tricycle drivers sa Compostela nagbuotbuot ra man na silag paumento sa ilang plitehan. Tag P7 na ilang minimum fare.'' -- 0916-3567683 (Sent: 08:49:36 pm--June 9, 2008)
* * *
Kun aduna silay taripa, dili illegal ang ilang gibuhat. Pero kun wala, makahimo mo pagreklamo batok nila.
* * *
"Naay konsehal sa Pooc, Talisay City nga imbes tag P18.25 ra ang kilo sa NFA rice, ang iyaha tag P20.00 ang kilo. Morag sagol sad pangampanya ning iyaha. Nakaginansiya siyag P1.75. Nanaginot baya siya namong mga pobre." -- 0929-5727375 (Sent: 12:40 pm--June9, 2008)
* * *
Dili lang una ko mokomentaryo mahitungod niini. Mas maayo nga hatagan natog higayon ang konsehal nga makapasabot sa iyang habig.
* * *
Ang naggamit sa cell. no. 0919-3879388 mi-text nako aron paghibalo nga naa na sab ing lain nga estilo sa modus operandi nga text scam.
Sumala sa atong texter, naay magpadala og congratulatory messages kay ang imo (kuno) nga cellphone number nakadaog og dakong premyo sa "Pamilyang Pangkabuhayan." Ang magpadala sa text message mao ang usa ka TRL.
Pagbantay kamo niini!
(Sumbong ug reklamo? Text sa 0910-8105522)