EDITORYAL - Negosyo sa taripa

Nalipay na man unta ang mga drayber sa mga public utility jeepney (PUJ) nga napatas-an ang plite nga ilang kulektahon sa mga pasahero, apan...

Kining “apan” mao ang pagpalukat kanila og matrix kon taripa nga nagkantidad og P520 matag usa. Dili sila makapahimus sa umento sa plite kun wala sila’y matrix nga idispli sa kada sakyanan.

Kun ang usa ka PUJ operator adunay 20 ka franchised units sa PUJ nagkinahanglan siya og kapin sa P10,000 alang sa 20 usab ka mga matrix.

Email gikan sa usa ka “concerned citizen” nagkanayon: “Kun ang gobiyerno gusto gayud nga motabang sa mga pobreng drayber/operator di na unta kinahanglan nga pabayron pa sa taripa nga ipamutang sa kada sakyanan.”

Tinuod baya. Kana lang taripa kon matrix ang dili maabot sa gobiyerno sa pagpapatik? Minilyon ang nausik nga kuwarta sa mga proyektong wa’y klaro.

“Negosyohon pa gyud ang mga drayber ug operator,” puno pa sa  nag-email kanato.