Mimando ang kagamhanan nga honungon ang operasyon sa Sulpicio Lines. Gipagaid sa gobiyerno ang mga cargo ship sa maong kompaniya. Kini tungod kay nalambigit sa dakong disgrasya ang usa ka barko de pasahero niini diin gatusan ang nangamatay.
Ang pagpahunong sa pagbiyahe sa ubang barko sa gihisgutang shipping lines, partikular na ang mga barko de karga kun cargo ships, nakaapektar sa ekonomikanhong kalihukan sa nasud, labi na sa Sugbu.
Natanggong sa mga pantalan ang mga containers diin nasulod ang mga produkto nga ipanghatud sa nagkadaiyang dapit sa nasud. Ang Sulpicio Lines gud usa ka labing dakong operator og cargo ships.
Dili pagpa-ingnon nga kalimtan nalang ang kaso sa barko sa Sulpicio Lines nga nalunod. Ipadayon kini kay mikalas man og daghang kinabuhi ang pagkalunod niini.
Apan in fair sa nasud labi na sa ekonomikanhong kinabuhi niini kinahanglan usab nga hatagan kinig konsiderasyon.