Bisan ang gahum ug katigayonan molabay lang

Hilabihang paningkamot sa tawo, by hook or by crook, bisan sa illegal ug immoral nga mga paagi, aron ma-gamhanan ug makahupot og dakung katigayonan. Wealth and power. Mao kini ang damgo natong tanan. Kinsa go'y di gusto'g gahom? Kinsaa go'y di gusto'g daghang katigayonan?

Apan, ang uban mosagop og bisan unsa nga paagi aron ma-gamhanan ug aron makahupot og daghan kaayong katigayonan. Makalimot nga kining tanan molabay lang gyud. Ug sa linugdangan unya sa tanan, ang maong gahom ug katigayonan di gyud makatabang sa panahon nga pahatagon na kita'g final accounting sa atong mga binuhatan ning kalibutan.

Aduna pay purohan nga makanudnod kini kanato ngadto sa tuman ug walay kinutoban nga kasakitan.

Si Engr. Ed Batiquin, immediate past president sa SUKNA, mipa-share kanato niini: “Wealth can melt, fame can turn to shame, pleasure is unsure, power is not forever, but friends who remember each other will always stay together.”

Nindot. Pahinumdom sa mga gamhanan ug hilabihang kaadunahan nga ang katigayonan ug kagamhanan mahanaw, ang kadungganan mahimong kaulawan, ug ang mga kahilayan walay kaseguroan.

Apan, ang panaghigaaly nga tiunay, makwartahan o ma-pordoy, magpabilin. Ang nakadaut lang usahay nga kun ikaw walay nahot, diyutay ra, kun duna man, ang makighigala kanimo.

Sa laing bahin, mi-text na usab kanato si Kuya Boy Odilao: “If you light a lamp for others, it will also brighten your path. An act of kindness enriches the heart of the giver and the receiver.”

Ang mga kaayo nga imong ihatag ngadto sa uban, makahatag usab og kaayo nganha kanimo. Mosumbalik kini nganha kanimo. Ingon man, bisan unsa ka gamay sa kadaot nga imong mahimo ngadto sa uban, mobalik usab kini nganha kanimo, dili dihadiha dayon, apan, labing seguro, sa kaulahian imo da kining matagamtam.

Mao nga to be sure, magbinuotan lang god ta. Magtinarong lang. Kay kanang katigayonan nga imong nahipos gumikan sa corruption, maningil da kini kanimo sa kaulahian, ug wala na kitay higayon pagbayad.