Mga 19 pa ka bagyo ang gipaabot nga moigo sa nasud ning naghinapos nga unom ka buwan ning tuiga. Kini suma sa PAG-ASA.
Sud sa tuig 2008, unom na ka bagyo ang miigo sa nasud, ang labing uwahi mao kadtong si Frank kinsa mibilin og minilyon ka pesos nga danyos ug gatosan ka mga nangamatay.
Kalabot niini, ang presidente sa Catholic Bishops Conference of the Philippines (CBCP) nga si Archbishop Angel Lagdameo miawhag sa katawhan sa pagtambong sa mga seminar kabahin sa disaster preparedness.
Suma pang Lagdameo, daghan nang mga seminar on disaster preparedness ang gipahigayon sa gobiyerno ug sa simbahan apan gibali wala lang kini sa kadaghanan.
Kami usab miawhag nga hatagan og seryosong atensiyon kining panawagan sa CBCP alang sa kaayohan sa tanan.