EDITORYAL - Nailad sa negosyador

Ang mayor sa Indanan, Sulu, nga nagpakaaron ingnon ug gituohan usab nga negosyador sa pagbuhi kang ABS-CBN News reporter Ces Drilon gikan sa kamot sa mga kidnapper, mao karoy gitumbok nga major suspect uban sa iyang anak sa maong kasong pagpanagit.

Gitanggong karon sa detention cell si Mayor Alvarez Isnaji ug iyang anak nga si Haider tungod sa sala nga kidnapping for ransom.

Ang kapolisan adunay mga kamatuoran nga ang amahan ug anak nalambigit gayud sa pagkidnap kang Ces Drilon ug mga kaubanan niini.

Usa kini ka leksiyon ngadto sa otoridad ug sa mga biktima sa pagpanagit diin dili sila magpataka og hatag sa ilang pagsalig ngadto ni bisan kinsa lang nga motanyag sa ilang kaugalingon isip negosyador.