Sa unang pagtula ay aking pinuri
ang tatlong bituing sa Star nagsilbi;
Sila’y tatlong mutya na kapuri-puri
na sa Advertising sila ay nagpirme!
Nang sila’y purihin ay isa pa lamang
noo’y may asawa at anak nang taglay;
Dalwa’y dalaga pa at totoo namang
kay gaganda nila at dapat tulaan!
Sa aking listaha’y may isang nadagdag
at ang isang ito’y tala ring marilag;
Ang hindi ko alam kung siya ay bihag
ng isang Adonis na kanyang kabiyak!
Unang tatlo’y sina Aileen, Jenny at Baby
na ang karilaga’y pawang prinsebini;
Si Len ang pang-apat na napakabuti
may asawa’t wala maganda’y ugali!
Si Aileen noon pa’y may isa nang anak
sina Jenne’t Baby dalaga pang ganap;
Nang huling magawi sa Star na tanyag
si Baby mayroon ng lalaking nabihag!
Ah si Jenny di ko alam ang estado
may asawa’t wala sa aki’y pareho;
Siya’y maganda pa’t ang ugali nito
nang makausap ko’y hindi nagbabago!
At itong pang-apat ang ngalan ay Len
na napakasipag d’yan sa Advertising;
Sa pagtawag-tawag at mga paghiling
ay napagtanto kong may asawa na rin!
Dalaga at hindi ay okey lang naman
basta’t mababait at laging huwaran;
Sila’y mga talang laging tutulaan
sapagka’t makatang may pusong uliran!
Kaya pinupuri apat na diwata
sa ugali nila ako’y humahanga;
Ako ay bilib din sa maraming mutya -–
d’yan sa Accounting ng Star na tala!