System Loss Charge?
Gumikan niining pagtuki karon sa ka-mahal sa bayranan sa elektrisidad sa
Pananglitan, unsa man ning giingon sa VECO nga systems loss. Loss man ni sa unsa? Sa ilang sistima? Sistima sa unsa? Nganong loss man? Ug nganong ako may pabayron niining maong loss?
Unsa man ni nga loss? Unsa ug kinsa may nakaingon ini? Ug nganong ipasa man ni sa mga consumer?
Ang katapusan nakong nabayran sa systems loss P168.97. Kini sa billing sa buwan sa Mayo. I-multiply kono ni sa gidaghanon sa mga consumer, daghanang kwarta no? Kini sa ako lang nga billing, ug sa maong kantidad. Ang ubang billing nagtangag man og mas daku nga kantidad.
Unsa man sad ning Power Act Reduction? Unsay gi-reduce? P60 ang ilang gipabayad nako. Sa generation, gipabayad kog P839.05, ug sa pag-distribute sa ilang gi-generate nga power, laing 235.97 ang bayad. Lain ang Distribution, lain usab ang pag-supply. Unya naa pa gyuy metering charge.
Human niini, duna pay mga Others nga bayranan nga naglakip sa Subsidy on lifeline charge, Local tax recovery ug Income tax refund. Unsa may buot gipasabot niining tanan?
Unya sa Government Revenues, ang Value Added Tax naglakip sa Generation, Transmission, Systems Loss, Distribution, & Other charges. Unsa man ning Others — giunsa man nila pagkwenta ang P3.65 nga Others? In fairness hinoon, gamay ra baya unta ang revenue, P142.53 ra, lakip ang local nga franchise tax.
Duna pay universal charge nga naglakip sa Missionary Electrification ug Environmental charge … unsa man ni sila?
Pagkadaghang bayranan. Unsa may gibasihan sa ilang mga computation? Maayo sad tingali nga sama sa nahitabo karon sa MERALCO, tukion sad in detail, ang mga charges nga gipahamtang kanato sa VECO. Di ba, Dro? Pila kahay mga sweldo ug allowances sa ilang mga top managers no? Pagkadagku kaha sa ilang mga dividend!
Okay, negosyo man ni. Apan, usa kini ka public utility, nga samtang kinahanglan makaganansiya og daku, dili sad unta malupigan pag-ayo ang mga consumer. Di ba, Dro?
- Latest
- Trending
