Sa gula sa Banat News niadtong Abril 18, 2008 maoy unod ning lindog ang sulat ni ST sa Malhiao, Badian, Cebu nga naghisgot mahitungod sa sugal nga jai-alai (masiao) nga naghitak sa nahisgotang lugar nga giingong gipasiugdahan sa duha ka barangay opisyal.
Nakaani og daghang reaksiyon gikan sa mga molupyo sa Malhiao ang maong reklamo ni ST nga gipaagi sa usa ka sulat. Gikompirmar sa mga reaktor pinaagi sa ilang text nga tinuod ang pasangil ni ST nga aduna gyoy duha ka barangay opisyal sa Malhiao nga nagpasiugda sa illegal nga sugal.
Nia ang mga reaksiyon sa taga Malhiao:
* * *
“Good afternoon, Sir. Paryente ko ning duha ka brgy. officials sa Malhiao, Badian, Cebu nga dili maayog binuhatan. Hasta ang mga batang gagmay mopalit na og jai-alai diri. Sila man ang nagpasiugda sa sugal sa among baryo. Thank you.”-0929-6979921 (Sent 01:51:01 pm-April 18, 2008)
* * *
Maayong hapon, Sir. Usa ko ka molupyo sa Malhiao.Kinahanglang mahunong na ang sugal nga gipasiugdahan nilang TVJ ug FR. Tinuod nga nagpasugal kining duha ka opisyal sa among barangay. Nakita mismo sa akong duha ka mata kay silingan ra man mi diri. Salamat.” –0918-6943116 (Sent:02:10:09pm-April 18, 2008)
* * *
“Good noon, Mr. Vallecera. Tinuod kanang illegal nga sugal sa Malhiao. Very rampant na kaayo diri. Silingan ra ko nila. Naglaom ko nga masumpo na ning sugal nga jai-alai diri nga naghitak na.”--0918-4193803 (Sent: 02:23:22 pm--April 18, 2008)
* * *
“Good day, Sir. Silingan mi ni TVJ sa Malhiao, Badian, Cebu. Dugay na ni siyang coordinator sa masiao sa among dapit." -- 0928-9040527 (Sent: 02:26:21 pm--April 18, 2008)
* * *
"Good PM. Akong silingan sila si TVJ ug FR. Tinuod nang illegal nga sugal sa Malhiao. Kining 2 officials maoy mga coordinator diri. Dugay na kana silang coordinator. Kinahanglan masumpo na ang ilang sugal.' -- 0905-9626075 (Sent: 01:36:35 pm -- April 18, 2008)
* * *
Angay imbestigahon sa proper authorities sila si TVJ ug FR. Attention, Badian, PNP!
Paaboton sab nako ang tubag nila ni TVJ ug FR niining mga pasangil sa mga texter aron maka-explain sila sa ilang habig.
(Sumbong ug reklamo? Text sa 0910-8105522).
