Ang true vine!

Usa sa mga hinungdan ngano nga nagkaguliyang ug medyo nayabag na karon ang kalibutan, mao nga daghan sa atong mga lihok wala na ma-attuned sa tuno sa alawiton sa Ginoo. Naghimo kitag laing dalan nga mohaum sa atong kagustoan, sukwahi sa dalan nga buot ipasubay kanato sa Ginoo.

Maoy hinungdan nga nagkatibulaag kita karon. Lainlain ang direksyon nga atong gisubay. Nag-iyahay. Lainlain ang atong gisunod nga mga mithi ug mga sumbanan. Lainlain ang mga baruganan, lainlain ang mga prinsipyo. Busa, wala magkasabut.

Samtang ang uban nangita sa kamatuoran, ang uban, naningkamot pagtago niini. Unsaon nato pagkasabut niini?

Anyway, adunay miingon: “I am the true vine, and my Father is the vine grower. He takes away every branch in me that does not bear fruit, and everyone that does he prunes so that it bears fruit.” Kahinumdom mo ini? O wa mo maminaw pag-sermon sa pari kay nag-text ka panahon sa homily?

Niining nahitabong kaguliyang karon sa kalibutan, makaingon ta nga lagmit, daghan na kanato ang gipung-ol gikan sa true vine kay wala na kita mamunga, busa gisalikway.

Mipadayon: “Remain in me, as I remain in you. Just as a branch cannot bear fruit on its own unless it remains on the vine, so neither can you unless you remain in me. I am the vine, you are the branches. Whoever remains in me and I in him will bear much fruit, because without me you can do nothing.”

Mao na kaha ni ang nahitabo karon sa kalibutan? Nahibulag na kita gikan sa true vine, hinungdan nga daghan na kanato karon ang wala na mamunga sa katarong?

Gipadayon: “Anyone who does not remain in me will be thrown out like a branch and wither.” Unsa may imong hunahuna, Dro, nga gumikan sa atong pagputol sa atong relasyon sa Ginoo, na-cut off na kita gikan sa main true vine?

Daghan ang mga makapa-cut-off kanato gikan sa true vine. Daghan ang mga hinungdan ngano nga dili kita maka-remain in Him kanunay. Pila niini mao ang pag-lie, pag-cheat ug pag-steal.

Maningkamot gyud ta Dro, nga taliwa sa daghan natong kasal-anan, mokapyot gyud sa true vine, aron di ta mahibulag gikan niini, kay tingali unyag malakip kita sa itapon ngadto sa kawanangan.