98 years old: mo-drive pa

Niay alang sa mga senior citizens. Si Dr. Jose Javier sa Laoag, Ilocos Norte, 98 na ka tuig ang edad, mo-drive pa. Lagmit, sama sa uban niyang mga igsuon, muabot pa siya'g 100 years old. Duha na lang ka tuig gikan karon.

Ikaw, komusta man? Nagluya na? Hinuon, kun di na gyud mahimo, di sad maayong pugson. Apan, sa akong pag-apil-apil karon sa kalihokan sa mga senior citizens, akong namatikdan nga daghan sad kaayong mga nilapas na sa 70 ka tuig ang edad, ang abtik pa kaayo.

Gani, dunay lapas na sa 80 ang edad. Sa ato pa, gumikan kaha sa kanunay natong pangaon og utan, ilabina kamunggay, nalugwayan ang atong pagpuyo ning temporaryong kalibutan.

Pag-adto ni Javier sa LTO,  gisukit-sukit siya'g maayo kun kaya pa ba niya ang pag-drive. Iyang tubag nga lagmit mas maayo pa siyang mo-drive sa ubang mga batan-ong mga driver. Nakapasar siya, with flying colors kuno, sa mga tests nga gihimo.

Si Javier natawo niadtong Pebrero 19, 1910. Lagsik pa, ang paminsar normal pa.  Ang memory normal pa, kahinumdom pa siya sa iyang kahigalaan ug mga contemporaries.

Matud niya, mas problema pa niya ang paglakaw kay sa pag-drive. Sayo siyang matulog, alas 8 sa gabii, iyang paningkamotan nga tulog na siya. Lagmit, di siya magpatintal sa mga TV shows, hinungdan nga maka-sayo siyag katulog.

In my case, abtan kog ala-una sa kaadlawon, pagtan-aw sa mga movies sa cable, sa mga sine nga akong nakita sa teen-ager pa ko.

Anyway, si Dr. Javier, survivor sa death march sa Bataan naka-trabaho sa Okinawa, Japan, hangtud na sa iyang pag-retire. Maoy iyang pagtuo anaa sa ilang kaliwat, sa genes, ang pagka-taas sa ilang kinabuhi.

Karong bag-o iyang igsoon, 100 years old na, gipasidunggan isip longest living alumnus sa UP. Laing igoon, 91 years old, nagtudlo sa Fordham Universitry sa New York. Duha ka igsuong babaye, bag-o lang namatay, kapin na sa 90 ang mga edad.

Kada-adlaw mag-drive siya paingon sa simbahan aron mosimba sa alas 4:30 nga misa, uban sa iyang asawa. Siya pa ang mo-drive pagpangumpra. Ilang palabay sa panahon mao ang pagbasa sa Bibliya ug ubang mga religious books. Iyang diet: utan gyud. Ikaw, Dro, komusta ka man?