Abusado kaayo

Gikan sa cellphone number 0915-2602292: "Good evening, Sir. Kana bang uban nga PUJ nga magbiyahean og Citilink-Naga  mga abusado kaayo. Pun-on gyod nila pag-ayo ang mga lingkoranan. Lain pa ang extension seat nga upat sa taliwala. Piit kaayo ang atong tuhod nga morag mabali na. Unya kun moagi og Tabunok tag P10 ang plite nga tag P9 ra man unta ang plite diha. Daghang salamat, Sir." -- (Sent: 10:47:03 pm--November 3, 2007)

* * *

Nakasabot ta nga nangiyawat ang mga driver ug konduktor (kun aduna) nga modako ang ilang kita mao nga pun-on gyod nila ang mga lingkoranan. Okey ra man unta kana. Pero kanang pagbutang nilag extension seats maoy dili maayo. Naghatag kinig inconvenience sa mga pasahero nga naglingkod sa regular nga mga lingkoranan. Hasol pa gyod kaayo kun dunay pasahero nga mokanaog kay maglisod pag-agi.

Atong sangpiton ang atensiyon sa proper authorities sa pag-counter check niining maong reklamo. Sa tinud-anay lang, dili gyod maayong itugot ang pagbutang og extension seats. Mosamot ang kahuot sulod sa sakyanan labina kun may daghang bagahe ang mga pasahero. Angay dakpon ang mga PUJ nga may extension seat.

Awhagon nako ang mga pasahero nga maghatag og dugang pagpakabana. Kuhaa ninyo ang ngalan sa driver ug plate number sa PUJ nga may extension seat. Itaho kana ngadto sa proper authorities. Unya kinahanglang mosaksi o mopamatuod mo sa inyong sumbong aron madisiplina ang mga abusado sa karsada.

* * *

"Good day, Sir. Naa koy pangutana nimo bahin sa akong suweldo. Nagsugod kog trabaho March, 2001, ang akong suweldo P80. Ning-abot na lang ko og 6 ka tuig ug 8 ka bulan, ang akong suweldo P180 ra. Ang among payslip igo ra namong pirmahan, dili mi hatagan og kopya." 0919-6065900 (Sent: 11:08:50am--November 3, 2007)

Arang-arang na lang kay may increase man gyod ang imong suweldo gikan sa P80 ngadto sa P180. Pero gamay ra gihapon kini og wala makaabot sa minimum nga P250. Dangop sa NLRC kun gusto kang mangita sa kaangayan.

(Sumbong ug reklamo? Text sa 0910-8105522).