Sa vocation jamboree

Human sa akong Misa sa gabii niadtong Pebrero 23 ako dayon nagdali padulong sa CICC aron motan-aw sa Vocation Jamboree. Kuyog nako ang mga seminarista nga sila Jabjab, Cheche ug Soje. Adto mi nagyampungad sa tent sa mga Dominicans nga madre. Apan kay lagi ako usa man ka pari, ako sa kompisalan nilingkod aron mga batan-on matabangan sa ilang diwang mahinulsolon. Kapoy baya ang maong buhat apan giabot ako og kadasig tungod kay bisan pa man ning atong kapanahonan karon, ang mga batan-on ang nakahunahuna pa diay gihapon sa ilang tagsa-tagsa ka bokasyon.

PAMALANDONG

Daghan ang anihon apan diyotay lang ang mangangani nga moani niini. Kasagaran kini natong panlantaw ug gani malimit lang sa mga madre ug pari. Apan katingalahan ang pamaagi sa Ginoo sanglit molihok man siya sa paagi nga wala nato masabti. Pagkaanindot unta nga mas daghang mga batan-on ang makaamgo sa ilang dakong tahas diha sa pag-ambit sa misyon ni Kristo alang sa katubsanan sa daghang mga tawo.