EDITORYAL - Hinay nga pagproseso

Ang special hardship allowance para sa mga magtutudlo sa Region 7, apil na ang nia diri sa Sugbu, hapit na i-release sa Department of Education.

Kining maong hardship allowance alang kini niadtong mga magtutudlo nga na-assign sa mga dapit diin grabeng lisura sa ilang pagpuyo ug pagpahigayon sa ilang mga trabaho.

Kinahanglan nga ang maong allowance luwatan sa DepEd sa regular nga iskedyul apan suma pa sa usa ka maestra nga tua na-assign sa dapit nga iyang gitawag og ‘God forsaken place” dili regular ang ilang pagdawat sa gihisgutang hardship allowance.

Dili ang DepEd ang angay’ng basulon niini kundili ang Department of Budget and Management kinsa, matud pa sa mga magtutudlo, maoy tigpreparar sa maong allowance ug hinay ang pagproseso niini.

Hunahunaon sad unta sa kagamhanan ang kapait sa kahimtang sa mga maestra ug maestro nga tua nagserbisyo ug nagsakripisyo sa lugar nga gitawag sa uban nga “kinto limbo.”