EDITORYAL - Fetus bisan asa ilabay

Bisan pa sa hugtanong kampanya sa Simbahan batok sa aborsiyon, naa gihapoy daghang wala maminaw niini.

Pruweba niini mao ang mga fetus nga ipanglabay lang bisan asang dapit. Naay fetus napalgan sa mga sakyanan, sa kan-anan, gawas sa simbahan, sa plasa, sud sa sinehan, etc.

Naa pa man ganiy fetus nga nakit-an sud sa kasilyas sa usa ka buhatan  sa Malacañang.

Kining maong mga gipanglabay nga fetus bunga kini sa binuhatan sa mga tawo, babaye’g lalaki, nga wala magtan-aw sa kabililhon sa kinabuhi kun dili ang ila lang dinaliang kalipay.

Kining daghan -- kon nagkadaghang  -- fetus nga gipangsalibay bisan asa na lang nga dapit nagpakita nga kinahanglan ang paghatag og puwersahanon pa gyud nga kampanya batok aborsiyon ug dili kay ang Simbahan lang ang mohimo niini kundili sangunan usab sa kagamhanan ug mga pundok sibiko.