Gisaulog karon sa tibuok nasud ang National Bible Week (Enero 21-27, 2008) diin ang katuyuan niini mao ang pag-awhag sa matag Pilipino sa paghupot ug pagbasa sa Bibliya diin nasulat ang pulong sa Ginoo.
Matud pa ni Presidente Gloria Macapagal Arroyo, sa iyang mensahe kalabot sa selebrasyon sa National Bible Week, “The Holy Bible is the most beautifully written book in the world. God’s love lives in its pages.”
Giklaro sa tigpasiugda niining maong kasaulogan nga ang National Bible Week alang sa tanang Kristiyanos, ma-Katoliko man o ma-Protestante.
Kini tungod kay ang Bibliya mao may sinulat nga Pulong sa Ginoo (Word of God) ug dunay gahum sa pag-usab sa matag usa kanato, sa atong mga pamilya, sa atong mga komunidad, sa atong nasud ngadto sa kabulahanan nga gilantaw natong tanan.