Walay SSS

Daghang mga trabahante nga nahikawan sa kahigayonan nga mamahimong membro sa SSS. Usa na niini ang naggamit sa cellphone number  0916-2100095. Kini ang hinungdan nga mipadangat siya nato og sumbong may kalabotan sa iyang pagpanarbaho.

Ang iyang text nagkanayon: “Good day, Sir. Mangutana lang ko kun puyde ba kami moreklamo. My husband is a family driver. P250 per day iyang suweldo pero until now wala siya’y SSS. Three years na siya as family driver.” -- 0916-2100095 (Sent: 01:12:48pm-- January 7, 2008)

Katungod sa imong bana nga makabaton og SSS membership. Puyde kamong makareklamo. Labing maayo nga i-refer ninyo kini ngadto sa buhatan sa SSS kay sila ang mas nasuheto sa tukmang proseso kalabot niini.

* * *

“Good PM, Sir. Akong reklamo mahitungod sa mga habal-habal diri sa Guadalupe, Carcar City nga mobiyahe padulong Napo. Pait kaayo, uy. Anha na man sila mamarking sa agianan sa tawo. Di man sila magpundok didto dapit sa lugar gyud nila. Kami intawon nga mangagi maoy mahasol. Masaghiran na lang mi sa dagkong mga sakyanan tungod nianang mga motor nga di mopadaplin.” -- 0915-5070308 (Sent:01:34:09pm-- January 6, 2008)

Ireklamo kana ninyo ngadto sa barangay. Kun makita nga lehitimo ang inyong reklamo, seguradong aksiyonan kana nila.

* * *

“Good AM, Sir. Naa koy reklamo bahin sa habal-habal ug tricycle drivers diri sa Consolacion. Kanang mag-park sa merkado ug duol sa Aspac Bank walay lisensiya. Kun naay lisensiya, expired na pod.” -- 0909-4222695 (Sent: 11:32:32am-- Jan. 5, 2008)

Maayo unta kun ma-counter check kini sa proper authorities. Labing maayo nga random ang operations aron dili sila makabantay. Angay ning hatagan og pagtagad sa nahingtungdang ahensiya sa atong kagamhanan aron dili magdasa kining mga tawhana nga magpatuyang sa pag-drive bisan walay lisensiya.

(Sumbong ug reklamo? Text sa 0910-8105522).