EDITORYAL-Usbon ang hitsura

Usa ka polis kang kansang ranggo mao ang Police Officer One (PO1) ang gikulata sa upat ka tawo di pa lang dugay.

Sa wa pa siya kulataha, nagpaila siyang usa siya ka polis ug gitubag kuno siya nga “Ngano man diay’g polis ka.”

Kini nagpaila lang nga ang mga bugoy sa atong komunidad wala na morespetar, labaw nang wa mahadlok, sa polis.

Kay unsa man pagrespetar sa katawhan ngadto sa polis kun kining ginganlan og tinugyanan sa balaod dili man kamao magparespetar?

Usahay naay polis nga masaypang bugoy tungod sa pamiste ug kulang sa pagpahigayon sa gitawag nga “grooming” sa ilang kaugalingon. Tag-as ang buhok, way panudlay, way pamarbas, nagsandal lang, nag-short pants.

Panahon na nga usbon sa PNP kining histsura sa pipila natong mga polis aron karespetahan.