Mangotongay

 “Sir, naay daghang mangotongay diri sa lungsod sa Minglanilla. Mga bata-bata man kana sila sa polis.” -- 0916-8297959 (Sent: 06:55:27pm--January 7, 2008)

Gihingusgan karon sa kapolisan ang kampanya batok sa kotong cops. Kay may polis man kaha nga nalambigit nianang pangotong diha sa Minglanilla, isumbong kana pinaagi sa pag-text ngadto sa PNP Anti-Kotong Hotline nga 0927-5151515.

* * *

“Good PM, Sir. Kining fixer nga tambok sa LTO-Danao makapalusot man og lisensiya nga walay S.P. Hasta mga sakyanan nga walay emission testing lusot sab.” -- 0905-9002786 (Sent:07:32:25pm-- January 7, 2008)

Sayon ra nang sabton. Makalusot gani ang usa ka transaksiyon bisan wala makatuman sa mga rekisitos ug wala mosubay sa hustong proseso, nagpasabot kana nga may kakunsabo ang nagpalusot niana. Kini ang angay subayon.

* * *

“Good PM, Sir. Naa koy reklamo bahin sa mga pasahero nga jeep nga magbiyahean sa rota nga Tubigon-Buenavista sa Bohol. Bisan puno ug dili na masulod sa ilang sakyanan, modawat lang gihapon og pasahero. Luoy kaayo kay bisan tiguwang nga babaye pakapyoton. Hasta mga bata.” -- 0910-9552542 (Sent:01:49:36 pm--January 6, 2008)

Dili maayo kanang ilang gibuhat. Kuyaw kana sa disgrasya. Labing maayo nga maaksiyonan kana sa proper authorities diha sa Bohol. Dili maayong pasagdan lang kanang maong practice kay duol gayod kana sa aksidente.

* * *

“I’m M.I.B. of Tupince or Tutay, Pinamungajan, Cebu. Our place is peaceful and in order. The one who text you about drug pushing is a liar.” -- 0906-4171079 (Sent: 02:31:38pm-- January 6, 2008)

Daghang salamat sa imong pahibalo. Pero bisan pa man sa imong pangangkon nga hapsay ug malinawon ang Tutay, Pinamungajan, Cebu, moinsister gihapon ko nga angayang susihon sa kapolisan ang giingong payuhot og drugas sa inyong dapit tungod sa daghan na kaayong reklamo nga akong nadawat.

 (Sumbong ug reklamo? Text sa 0910-8105522).