Sa akong pagsulat niini mao gyuy pagkahuman sa piliay sa barangay ug sangguniang kabataan. Nakadawat kog daghang taho kalabot sa lainlaing anomaliya nga nahitabo sa lainlaing mga barangay. Gipatik ko ang ilang text dili tungod kay mituo dayon ko sa ilang mga pasangil kondili aron maanalisar natong tanan kun may sukaranan ba ang mga alegasyon. Dili man sab god nato ika-discount nga posibleng tinuod kini. Hinuon, mahimo sab nga tumo-tumo ra kini sa napildeng mga kandidato. Nia:
“Good morning. Moreklamo ko about sa nahitabo pag-inihapay sa mga balota didto sa Inoburan, Naga. Sa room nga akong gisudlan kun diin didto ang akong name, nahibulong ko pag-inihapay kay ang akong gibotaran wala man naapil sa ihap, ila man giserohan. Imposible kaayo kay daghan gyud nibotar sa iyaha pero ngano zero man. Ang resulta sa nidaog straight man sa tanang kaatbang.” -- 0910-4512086 (Sent: 11:54:08pm -- October 29, 2007)
Imposible gyud nga maserohan kay ang boto diay sa kandidato mismo. Alang-alang man kun dili siya mobotar sa iyang kaugalingon.
* * *
“Good day. Grabe kaayo ang vote buying diri sa lungsod sa Tuburan. Naa untay tawo nga angay pilion pero ilang gipili pag-usab ang tawo nga way nahimo.” -- 0926-4998707 (Sent: 09:13:16pm--October 29, 2007)
“Grabeng tikas sa eleksiyon. Lakip ang mga nangamatay na gipabotar. Ang ubang ngalan sa voters gibotaran sa laing personahe. Unsa na man ni, uy. Maayo pag dili na lang mag-eleksiyon.” -- 0928-4268424
* **
“Good PM, Sir. Kana bang CITOM. Kun naa ganiy madakpan nga molabang sa karsada, ingnon dayon nga mag-seminar og 4 ka oras basta dili mobayad og P50. Mapugos na lang ta og bayad. Tiaw moy 4 ka oras. Unya diay to adto sa office palimpiyohon ra ta mga 15 minutos. Ngano mag klarohon ra nga kadiyot ra?” 0918-4450835 (Sent:04:10:18pm-- October 29, 2007)
Kana sang giingong 4 hours seminar dili kana tinuod. Akong kabanay mismo nga nadakpan makapamatuod niana. Wala gani gyoy pormal nga seminar.
* * *
(Sumbong ug reklamo? Text sa 0910-8105522).