Hadlok diay mo?
Malangay pa g’yod diay ang pagtukod og “ramp” diha
Ang rason niini kay nagpadayon nga nagpaugat ang Young Builders Corporation nga dili gayod mopahawa sa maong lugar kay buot silang magpabayad og P6 milyones gikan sa dakbayan tungod sa pagkanselar sa ilang kontrata.
Sila man god unta ang gihatagan og pagtugot sa administrasyon ni kanhi mayor Alvin Garcia nga motukod sa bag-ong building alang sa Carbon market Unit 2. Apan ang maong proyekto gipakanselar ni Mayor Tomas Osmeña.
Gihawanan na god unta sa City Hall ang maong dapit, gibuldos na ang maong dapit ug ang mga squatters nga nagpuyo gipagawas na aron nga ang mga tindera nga naninda sa Quezon Blvd. maoy ibutang sa nahimutangan kanhi sa Unit II aron kasugdan na ang pagtukod og ramp.
Apan tungod kay dili man gub-on sa Young Builders ang ilang koral, wala makasugod ang proyekto ug namalik ang daghang squatters. Ang maong dapit kay patag na man, daw sa
Hagiton nato ang kadagkoan sa dakbayan nga ipakita ang inyong political will.
* * *
Hilabihan ka bongga sa Christmas Party sa The Freeman-Philippine Star kaniadtong Biyernes sa gabii.
Makita siguro ninyo ang pipila ka hulagway sa among kalihukan nga gipublikar sa The Freeman karong adlawa, uban ni Sir Miguel Belmonte, ang presidente sa The Freeman-Philippine Star.
Wala hinuon makatambong sila si Sir Jose “Dodong” Gullas, ang chairman of the Board sa The Freeman, sila si Sir Joselito “Jiji” Gullas. Apil usab nga wala na lang motambong ang publisher namo nga si Sir Juanito V. Jabat.
Grabeha lagi sa mga premyo, makaiibog g’yod. Dihay nakadaug og mga mahalong cellphones, daghang gift certificates nga mokantidad gikan sa P1,000 ngadto sa tag P5,000 matag usa, cash prizes nga gikan sa P2,000 ngadto sa P10,000.
Swerte kaayo kadtong mga bulahan nga nakadaug kay wala nay problema sa ilang panggasto sa pasko. Ang kauban usab namo nga si Jean Limpyo mao say nakadaug isip star of the night tungod sa iyang gisul-ob nga daw sa engkantada – dunay pako.
Ang laing mga naghatag og dugang kolor sa kalingawan mao sila si photojournalist Cyril Camporedondo nga nagsul-ob ug taas nga T-shirt unya walay purol kay nagpatoo nga bag-ong gituli ug nagguroy og trak-trak.
Sila usab si Tony Ngujo sa production department nagsul-ob ug “diaper” unya nagsakay og trak-trak sa bata. Ang party god namo, binata ang ipasul-ob. Kadaghanan nagsul-ob og bisti nga sama sa binata o binatan-on.
Sa laktud, nagmabulokon ang maong kalihukan, ilabi na nga si Sir Miguel mihatag og dugang P30,000 alang sa mga prizes.
Gawas niadtong maong kalihukan, nagtoo ko nga duna pay laing Christmas party ang tagsa-tagsa namo ka departments.
* * *
Gitawag ko kagahapon ni Erwin Goc-ong, ang presidente sa Cebu Market Vendors Cooperative (Cemvedco) ug gibutyag niya nga ang problema sa kakuwang og parking area diha sa Carbon Market gipangitaan nila og sulbad.
Giangkon niya nga tinuod ang atong obserbasyon nga nindot na kaayo pamalitan ang Carbon Market sa pagka karon kun itandi kaniadto – ilabi na nga mas barato g’yod ang presyo kun itandi sa mga gibaligya sa department stores.
Sa gibutyag ni Erwin nalipay ko kay bisan ako, nakahuna-huna ko nga nindot pangomprahan ang Carbon. Kun ang usa ka tag-iya og mga gagmay’ng tindahan adto mangombra sa Carbon, siguradong daku ang ilang maganansya.
- Latest
- Trending
