Dako ang deduction

Gikan sa cellphone number 0920-3254387: “Good day, Sir. Naa koy reklamo. Usa ko ka security guard. Ang among agency kada suweldo mo-deduct og tax P300 kapin ug mosamot kadako kun naay overtime. Ilabi na kadtong single ug wala pay anak dako ang deduction. Ang ubang guwardiya nga pila na ka tuig nagtrabaho wala pa makadawat og tax refund. Kun naay differential ilang idungan sa suweldo kay ila man sad kuhaan og tax. Mosamot kadako ang deduction.” -- (Sent:10:52:58am--October 26, 2007)

Kun nagtuo ka nga gitikasan mo sa inyong employer nga maoy tag-iya sa security agency, nganong dili man kamo modangop ngadto sa buhatan sa kagamhanan nga posibleng makatabang kaninyo? Usahay ra ba kinahanglang maghasol-hasol ta sa atong kaugalingon kun gusto tang makaangkon og hustisya.

Ang akong ikasugyot mao nga dangop sa usa ka abogado ug isaysay kaniya ang imong problema. Mas maayo nga i-refer mo gayod kining problemaha ngadto sa usa ka batid sa balaod aron masuta kun makadu’t ba ang inyong reklamo kun ugaling inyo gyung tinud-on paggukod ang inyong security agency.

* * *

“Good day, Sir. Palihog lang kog publish niining akong text. Wala may klaro nga mo-towing ang CITOM. Bisan silingan lang ang motabi towing-ngan man dayon bahalag way warning.” -- 0918-7828126 (Sent:05:09:46pm--October 26, 2007)

Dili kaayo ko suheto sa mga patakaran sa CITOM pero sa akong nasabtan, adunay mga dapit nga gitawag og towing zone. Kun sa maong area mag-towing ang CITOM, nagtuo ko nga dili na kinahanglang warningan pa ang tag-iya sa sakyanan kay may karatola man nga ibutang sa dapit nga pagatawgon nga towing zone.

Dili makiangayon nga ang mga mananakop maoy atong sawayon kanunay, labinag sila maoy husto. Kita man sab god, bisan nasayod tang gidili, magtuman gyud tag ato bisan nakalapas na sa balaod. Unya kun madakpan na, magbagulbol.

Bisan sa dapit nga dili towing zone, kun gusto gyud sa CITOM nga manakop, mahimo nila kini bisan walay warning. Busa, mag-amping ta aron dili ma-towing! 

* * *

 (Sumbong ug reklamo? Text sa 0910-8105522).