EDITORYAL - Ayaw usa paghugyaw
Si Presidente Arroyo mimando nga ang honorarium sa mga magtutudlo nga niserbisyo atol sa miaging eleksiyon sa barangay ug Sangguniang Kabataan pun-an og P1,000 aron mahimo na kini nga P2,500.
Angay kining ikalipay sa mga magtutudlo apan ang Comelec dinhi miawhag kanila nga dili una maghugyaw hangtud ang maong kantidad ika-release na sa Department of Budget and Management ug ila na gyung masud sa ilang bulsa ang maong pinatas-ang honorarium.
Tuod man, ang atong mga magtutudlo nga niserbisyo sa miaging eleksyon dili una maniguro nga ang kantidad nga P2,500 maila na. Kay naglisud man gani ang kagamhanan sa pagpagawas sa unang gisaad nga honorarium nga P2,000 ug wala pa man sad gani madawat sa mga titser ang pinaubsan nga honorarium (P1,500 na lang), kini pa ang P2,500?
Manghinaut kita nga tumanon sa Budget Secretary ang kamanduan sa Presidente aron sad iyang mapakita nga ang sulti sa Pangulo takus pa nga katuohan.
- Latest
- Trending
